Vesti Domain Overview🔒 SSL Verified

"Премиерот Христијан Мицкоски соопшти дека остварил средби со премиерот на Косово, Албин Курти, и со хрватскиот премиер Андреј Пленковиќ. На средбата со Курти, како што наведе Мицкоски, разговарале за унапредување на добрососедските односи, регионалната соработка, како и за заедничките предизвици и можности за развој на двете земји. Со хрватскиот премиер Пленковиќ, пак, разговарал за европската перспектива, унапредувањето на добрососедските односи и регионалната соработка, како и за важноста од продолжување на реформските процеси согласно со европските стандарди. © Vecer.mk, правата за текстот се на редакцијата ОД МАТИЧЕН ГИНЕКОЛОГ ДО ГАК - под лупа целиот третман на пациентката која остана неподвижна Барем 30 ДОКАЗИ ДЕКА СДСМ Е БУГАРСКИ КОНЗУЛАТ: Координација на партијата со бугарската пропаганда"

"Две лица од општина Ново Село се приведени откако полицијата открила нелегална плантажа со канабис во атарот на селото Секирник, струмичко. Од локацијата биле одземени повеќе стебла со различна висина, со вкупна тежина од околу 680 килограми. Станува збор за З.М. (34) и А.Т.Г. (30), против кои СВР Струмица поднело кривична пријава поради сомнение за неовластено производство и пуштање во промет на наркотични дроги, психотропни супстанции и прекурсори. Според истрагата, двајцата претходно се договориле, а потоа во скриен дел од парцела на местото викано „Матник“, во атарот на Секирник, ја обработиле почвата и засадиле семе од канабис. Растенијата биле одгледувани со цел, како што се сомнева полицијата, да се произведува марихуана. Полицијата презела повеќе дејствија и истражни мерки со судска наредба, а во акцијата била вклучена и техничка поддршка од полициски службеници од Регионалниот центар за гранични работи Исток. Така биле обезбедени докази за поврзаноста на двајцата со одгледувањето на канабисот. По приведувањето, З.М. и А.Т.Г. биле задржани во Полициската станица Струмица. Според МВР, во разговор со полицијата признале дека набавиле семе од канабис, ја обработиле земјата и во мај годинава ја засадиле нелегалната плантажа. Од локацијата биле одземени повеќе стебла канабис, со различна висина и вкупна тежина од околу 680 килограми. По поднесувањето на кривичната пријава, двајцата биле изведени пред судија на претходна постапка во Основниот суд во Струмица. За случајот понатаму ќе одлучуваат надлежните органи. © Vecer.mk, правата за текстот се на редакцијата МИЦКОСКИ ЈА ЗАСИЛУВА РЕГИОНАЛНАТА СОРАБОТКА: Средби со Пленковиќ и Курти за европскиот пат и развојот НА БОЛЕДУВАЊЕ ВО МАКЕДОНИЈА, А „СТОРИ“ ОД ИТАЛИЈА - Построги правила поради злоупотреби на боледувањата"

"МВР ќе се вклучи во борбата против злоупотребите со боледувањата, најави министерот за внатрешни работи Панче Тошковски. Тој оцени дека проблемот е сериозен и во јавниот и во приватниот сектор, но нагласи дека при контролите мора да се почитуваат и човековите права. Најавата доаѓа во период кога Фондот за здравствено осигурување подготвува построги правила за користење боледување. Меѓу предлозите се матичните лекари самостојно да можат да отвораат боледување до пет наместо до седум дена, поголема електронска контрола, но и можност за проверки на осигурениците додека се на боледување. Дека има злоупотреби покажаа и претходните контроли токму во МВР. По барање на Министерството, ФЗО во втората половина на 2025 година проверил 80 вработени со вкупно 514 боледувања. Неправилности биле утврдени кај 29 лица, односно кај околу 37 проценти од контролираните вработени. Од вкупно 514 проверени боледувања, 100 биле оценети како неуредно издадени. Во контролата биле опфатени и 105 приватни здравствени установи, а неправилности биле утврдени и кај дел од лекарите и лекарските комисии. ФЗО како примери за сомнително користење боледување претходно посочи случаи во кои вработени менувале матични лекари или користеле последователни боледувања со различни дијагнози. Предлозите за построги контроли предизвикаа реакции во јавноста, особено околу можноста за проверки во домот и намалувањето на периодот за кој матичниот лекар може самостојно да отвори боледување. Засега станува збор за најавени измени, а не за правила кои веќе се во сила. © Vecer.mk, правата за текстот се на редакцијата НА БОЛЕДУВАЊЕ ВО МАКЕДОНИЈА, А „СТОРИ“ ОД ИТАЛИЈА - Построги правила поради злоупотреби на боледувањата ОД МАТИЧЕН ГИНЕКОЛОГ ДО ГАК - под лупа целиот третман на пациентката која остана неподвижна"